Melisa Lleshi dhe Andi Shehi kanë rezultuar një nga çiftet më jetëgjatë të “Për’puthen”. Historia e tyre e dashurisë lindi brenda në program me pëlqim të ndërsjellë dhe u finalizua jashtë me një lidhje, që tashmë është konsoliduar.
Prej kohësh Melisa dhe Andi kanë nisur edhe bashkëjetesën dhe deri më tani duken shumë të lumtur bashkë.
Së fundmi, Andi Shehi ka bërë një deklaratë të fortë. Ai është shprehur se çdo gjë në “Për’puthen” ka qenë lojë.
Andi ka bërë një bisedë virtuale me ndjekësit në Instastory, ku një prej tyre e ka pyetur: “Si e duroje faktin që Melisa ishte në takim me tjerë, ndërkohë që ti kishe dalë nga emisioni?”
“Sepse njerëz të dashur, asgjë nuk është e vërtetë në emision, çdo gjë është fallco. A kaq gjë nuk e kuptoni? Pse jemi neve çifti i vetëm që kemi dalë në emision dhe kemi rezistuar akoma? U përputhëm jashtë”, ka treguar ish-konkurrenti.
