Policia greke ka zbardhur detaje për vrasjen e 27-vjeçarit shqiptar në Mykonos, disa ditë më parë. Bëhet me dije se i riu u vra për shkak të problemeve që kishte për qiranë me autorin.
Sipas hetimit, 29-vjeçari që e goditi me thikë në zemër duke i marrë jetën kishte konflikt për pagesën e qirasë me viktimën, pasi më herët ata kishin qenë shokë dhome.
Autori i kishte para borxh viktimës, pasi nuk kishte përmbyllur të gjitha detyrimet e qirasë. 29-vjeçari i kërkonte vazhdimisht paratë që kishte paguar edhe për të dhe kjo ka sjellë konfliktin mes tyre.
27-vjeçari që punonte në ndërtimi prej kohësh kishte jetuar me vrasësin. Sipas hetimeve duke qenë se 29-vjeçari nuk ishte i rregullt në pagimin e qirasë që i takonte, viktima u detyrua të linte shtëpinë dhe të qëndronte diku tjetër.
29-vjeçari i kishte mbetur në borxh 27-vjeçari, pasi ky i fundit kishte paguar qiranë për të. Ditën e vrasjes ata kishin një takim për të zgjidhur mosmarrëveshjen.
Policia ka arrestuar gjithashtu edhe katër të rinj të tjerë shqiptarë, pasi dyshohet se ishin bashkëpunëtorë të 29-vjeçarit.
Hetimi zbuloi se në natën e 12 korrikut, teksa u takuan për të zgjidhur mosmarrëveshjen për borxhin e mbetur nga qiraja, 29-vjeçari goditi me thikë në zemër 27-vjeçarin, duke i shkaktuar vdekjen këtij të fundit.
DENONCO