Ish-konkurrentja e “Për’puthen +40”, Lindita Bimi, ka publikuar këngën e saj të parë, me titull “Coco”. Lindita ka marrë shumë kritika për faktin që në këngë përmend kokainën apo për veshjet në videoklip.
“Për ty jam kokaina, e shtrenjtë si kokaina…”, këndon Lindita.
E ftuar në emisionin “Shqipëria live”, Lindita tha se i pëlqeu të këndonte këtë këngë.
“S’ka problem, ma propozuan si tekst. Më pëlqeu dhe vendosa ta këndoj. Thjesht e krahasoj veten me kokainën, jam e shtrenjtë si kokaina.
Jam e kënaqur me veten, nuk e kam bërë për të fituar para. Nuk kam probleme ekonomike, e kam nisur si hobi, asgjë më shumë. Madje, madje, tani e vendosa, do të bëj dhe një tjetër…”
Ajo doli beqare nga emisioni dhe rrëfen se e tillë vazhdon të jetë. Por, a i ka mbetur peng Çimi, që në fund zgjodhi Stelën?
“Jo aspak, po të doja e kisha marrë. Unë dua dikë që të jetë vetëm për mua, jo të shoh të tjera”, përgjigjet Lindita.
