Ekipi i Kukësit përfundimisht do të drejtohet nga një italian dhe ai është Diego Longos.
Lajmi u bë i ditur nga presidenti i nderit të FK “Kukësi”, Safet Gjici i cili tha se klubi prej disa ditësh ka pasur biseda intensive me Longos dhe parimisht palët kanë rënë dakord për një bashkëpunim me të gjitha kushtet e trajnerit.
Gjici shtoi se trajneri është me përvojë dhe se konsiderohet si zgjidhja më e mirë për Kukësin.
“Merkato te Kukësi vazhdon, lojtarët e marrë deri më tani janë të mirë dhe me moshë të re, për pak ditë ekipi fillon stërvitjen”, u shpreh Gjici.
Gjici gjithashtu dha dhe lajmin e mirë se stadiumi pritet të përfundojë në shtator kur fillon kampionati.
