Fifi është sot një nga këngëtaret më në zë të estradës shqiptare, por për të arritur këtu ku është i është dashur të kalojë shumë peripeci.
Së fundmi, gjatë një bashkëbisedimi me ndjekësit, ajo ka treguar shumën që ka marrë në fillimet e saj, kur këndonte në lokalet e Prishtinës. Megjithëse, Fifi thotë se ka marrë një shumë modeste, ajo shprehet se ndihej njeriu më me fat në botë pasi po fitonte para me djersë.
“16 vjeçe dhe kam kënduar në kafet e vogla në Prishtinë. Herë me kitarë, herë me tastierë dhe më e bukura është që ka pas raste kam marrë 10 euro për performancën e më shumë 35 euro në atë kohë. Dhe ndjehesha njeriu më me fat në botë se po e fitoja me djersë”, ka treguar Fifi.
