Një vit më parë çmimi “Topi i Artë”, më i larti për karrierën individuale të futbollistëve nuk u dha për shkak të pandemisë. Të gjithë e konsideruan si një mundësi e mohuar Robert Lewandowskit.
Por këtë vit revista franceze France Football që akordon këtë çmim do ta ketë tepër të vështirë të zgjedhë më të mirin. Asnjë renditje nuk do t’i bëjë të gjithë dakord. Për kandidatët e rëndësishëm, megjithatë, ka pak dyshime. Midis tyre dy italianë: Jorginho, një sezon “total” dhe Donnarumma, një Evropian dominues.
Jorginho është emri që menjëherë të vjen në mendje, kampion i Evropës me klubin e Chelsea dhe me kombëtaren e italisë. Nuk gëzon simpatinë e të gjithëve pasi e shohin larg standardit të një Topi të Artë. Kandidat i fortë mbetet sërish Messi. Një sezon i vuajtur te Barça, por shënuesi më i mirë i La Liga, fitues i Kupës së Mbretit dhe së fundmi protagonist absolut në fitimin e Copa America. Nëse shtojmë edhe imazhin që ushtron te votuesit, Messi është në avantazh.
Në fund Donnarumma. Një sezon i shkëlqyeshëm me Milanin, i 2-ti në Serie A, i mrekullueshëm në evropian, më i miri i turneut. Por historia e Topit të Artë në thotë se vetëm njëherë e ka fituar një portier. Sa i takon trajnerëve, Mancini nuk ka rivalë si më i miri i vitit.
