Do të largohet përfundimisht nga televizioni? Ori Nebijaj shuan kuriozitetin e ndjekësve

Moderatorja e njohur Ori Nebijaj kandidoi këtë vit si deputete për listat e Partisë Demokratike. Pavarësisht se mblodhi një numër të konsiderueshëm votash, Ori nuk u zgjodh si deputete, duke qenë se demokratët morën vetëm 15 mandate në kryeqytet. Pas zgjedhjeve dhe përfundimit të emisionit të mëngjesit “Wake Up”, Ori vendosi t’i rikthehej emisionit të saj shumë të dashur “Pushime On Top”.

Ori, fushatën për PD-në e konsideroi shumë emocionuese dhe shtoi se do të jetë gjithmonë zëri i qytetarëve, pavarësisht se nuk u bë pjesë e parlamentit.

“Ishte një fushatë e bukur, emocionuese, që në fund u vlerësua me një mbështetje shumë të madhe votash, edhe një vlerësim shumë i mirë për mënyrën se si unë zgjodha që të isha Ori, për t’i thënë kujtdo që do më besonte me votë, që jam po Ori, nuk do ndryshonte kurrsesi stofa politike asgjë. Është besim dhe përgjegjësi që më bën mua të jem shumë e kujdesshme, e përgjegjshme për gjithçka që do vendos të bëj në vijim dhe sigurisht që përfshirja politike dhe angazhimi do të shtohen. Unë do mundohem të jem zëri i tyre, ç’rëndësi ka jam apo nuk jam me mandatin atje. Në një farë mënyre unë e mora votën e zemrës, mora mbështetjen e qytetarëve të Tiranës dhe kjo është mjaft për mua dhe është më shumë se thjesht një mandat”, tha Ori.

LEXO EDHE  "Ti je kundër Zotit"/ Blogerja e seksit shpërthen ndaj komentuesve: Injorantë, të paditur

Sa i përket angazhimeve në televizion, Ori tha se “Pushime On Top” i ishte besuar para zgjedhjeve dhe do e çonte deri në fund edhe nëse do zgjidhej deputete. Më tej premtoi surpriza për në shtator.

“Unë e di shumë mirë që ty nuk ka rreshtur se ngacmuari ideja se me kë do e prezantosh ‘Pushime On Top’. Edhe njerëzit më thoshin, ‘nëse do bëhesh deputete, si nuk do e bësh më Pushime On Top’? Ky është një sezon që është një marrëveshje e bërë dhe që sigurisht mandati nuk do ta pengonte të përfundonte dhe ne jemi bashkë në këtë sezon të 4-të. Nga shtatori nuk dihet çfarë ndodh, surpriza do ketë, kjo është e sigurt”, u shpreh Nebijaj.