Policia Bashkiake e Tiranës ia ka hedhur në tokë ditën e sotme një gruaje të moshuar pak kilogramë perime dhe fruta të cilat ishte duke i shitur në mënyrë ambulante në Tiranë.
Videoja që është publikuar në rrjetet sociale nga JOQ ka sjellë reagime të forta.
Ndërkohë shumë qytetarë që janë ndodhur në vendin e ngjarjes, raportohet se kanë kompensuar gruan e moshuar me sasi të vogla parash aq sa u janë gjendur, pas sjelljes së policisë bashkiake.
Ndërsa mësohet se kur policët ishin duke e ndjekur nga pas, nëna që shet iku me vrap dhe hodhi karrocën me frutat dhe perimet që kishte për të shitur ditën e sotme. Në videon e mëposhtme mund të shihni momentin kur nëna kthehet për të mbledhur ato që i kanë mbetur ndërsa dëgjohet duke thënë: “Ç’a shteti jeni ju, ç’a???”
Ndërsa pak kohë më parë po e njëjta nënë që shet në Tiranë, në një video i kërkonte llogari Edi Ramës dhe Erion Veliajt për këtë që po bëjnë, pasi i kanë votuar, por policët s’po i lejnë të sigurojnë bukën e gojës.
