UEFA iu beson sërish gjyqtarëve shqiptarë në Europë, zbulohet ndeshja ku do të vendosin drejtësi

UEFA ka vendosur t’iu besojë sërish gjyqtarëve shqiptarë, teksa arbitrit lezhjan Eldorjan Hamiti, i është besuar përballja mes La Fioritës dhe Birkirkara, të vlefshme për raundin e parë të Ligës së Konferencës.

Kjo përballje do të zhvillohet në Serravale të San Marinos, teksa ndihmësa të Hamitit do të jenë Ridiger Çokaj dhe Ani Kociaj, ndërkohë që gjyqtar i katërt është Erjon Bastari. Vlen të theksohet fakti se përballja e parë mes këtyre 2 skuadrave e zhvilluar në Maltë përfundoi me rezultatin 1-0 në favor të skuadrës Birkirkara.

LEXO EDHE  Laçi bën historinë, avancon në raundin e tretë të Conference League

Kujtojmë që javën e parë, ishte Juxhin Xhaja ai që vendosi drejtësi në sfidën Bodo Glimt – Legia e Varshavës, që përfundoi me rezultatin 2-3 në favor të polakëve, teksa kësaj here është radha e Hamitit. /Panoramasport

La Fiorita 1967 (SMR) – Birkirkara FC (MLT)

Gjyqtar: Eldorjan Hamiti (ALB)

Asistent i parë: Ridiger Çokaj (ALB)

Asisten i dytë: Ani Kociaj (ALB)

Gjyqtar i katërt: Erjon Bastari (ALB)