Jose Mourinho kthehet për të komentuar Kampionatin Evropian për herë të fundit. Trajneri i Romës foli për mediat angleze në lidhje me humbjen e Anglisë në finalen e Europianit kundër Italisë, duke u përqendruar në vendimin për t’i besuar 19-vjeçarit Saka goditjen vendimtare, të cilën e gaboi.
“Unë mendoj se është shumë për një fëmijë që të ketë gjithçka mbi shpatullat e tij në këto momente, por nuk e di, duhet t’ia bëj këtë pyetje Southgate, sepse shpesh herë lojtarët që duhet të jenë nuk janë, lojtarët që duhet të jenë, i ikin përgjegjësive”, tha ai për TalkSport.
“Mos më pyet kush, sepse nuk të them, vazhdon Mou, por mua më thanë njëqind për qind që një lojtar duhet të kishte gjuajtur një penallti dhe refuzoi. Pra, ndonjëherë ndodhin këto situata dhe njerëz të ndershëm si Gareth nuk e ekspozojnë. Ku ishte Raheem Sterling? Ku ishte John Stones? Ku ishte Luke Shaw? Pse Jordan Henderson apo Kyle Walker nuk qëndruan në fushë? Por që Saka të kishte mbi supet e tij fatin e një vendi … I shkreti Saka, më vjen shumë keq për të”.
