Arrestimi i dy mjekëve të Spitalit të Traumës disa ditë më parë për ryshfet, bëri që sindikata e mjekëve të dalë në protestë për të kërkuar lirimin nga burgu të kolegëve të tyre. Kujtojmë se mjekët në fjalë u arrestuan pasi dyshohet se morën ryshfet nga babai i Elmilind Dylit, që mbeti i plagosur në masakrën e Velipojës, ndërsa iu gjetën 377 mijë lekë të reja dhe 55 Euro.
Mediat shqiptare “bombarduan” rrjetin duke postuar lajme në lidhje me protestën në fjalë, pra duke kryer normalisht punën e tyre. Por, siç duket raportimi i drejtë dhe i paanshëm i gazetarëve nuk i ka pëlqyer infermierit Kleant C. i cili ka reaguar në një postim të një gazetari duke komentuar me një fjalor aspak të hijshëm që i takon një punonjës të bluzave të bardha.
“Mundohuni të gëzoheni edhe për 2 muaj se shtatori është afër kur t’ju kyçim prapë dhe s’do bëni asgjë si dele të urta që jeni.”-ka shkruar Kleanti, me profesion infermier.
Ndër të tjera, ai ka theksuar se kur Shqipërinë ta “mbërthejë” vatianti DELTA, njerëzit do të “nxjerrin të zitë e ullirit” sipas tij.
Komenti i infermierit tek postimi i gazetarit:
