A ka hyrë varianti ‘Delta’ në Shqipëri? Ja çfarë thotë Brataj

Kreu i Urgjencës Kombëtare, Skënder Brataj, i ftuar në Çim Peka Live në Syri Tv deklaroi se nuk ka ende njoftim se variant Delta mund të jetë i pranishëm zyrtarisht në vendin tonë.

Brataj thekson se varianti Delta përhapet shumë shpejt dhe se prek më së shumti moshat nën 30 vjeç e të pavaksinuarit.

Nuk ka njoftim zyrtar për variantin Delta. Shenjat e variantit Delta janë pak të ngjashme me gripin. Fakti negativ është se shpërndahet shumë shpejt. Madje, ka prekur më shumë moshat nën 30 vjeç.

Çdokush që ka simptoma, duhet që të kërkojë ndihmë fillimisht tek mjeku i familjes. Virusi po merr përmasa tani. Nuk mund ta mohojmë faktin se mund të jetë prezent edhe në Shqipëri. Në vendin tonë ka pak raste, ndodh edhe sepse njerëzit gjejnë format e veta për të shëruar koronavirusin, sipas udhëzimeve që janë dhënë”, u shpreh Brataj.

LEXO EDHE  DETAJE/ Makina e tij u gjet e shkrumbuar, bëhet i gjallë biznesmeni italian. Çfarë ka ndodhur?