Ka ndërruar jetë një nga personat që u dogj nga shpërthimi i bombulës në Velipojë bashkë me nënën dhe dy motrat e saj.
Edhe pse është dërguar për kurim në Itali, 19-vjeçarja Daniela Gjoka nuk ia ka dalë dot të mbijetojë.
Ngjarja tragjike ndodhi 1 javë më parë, ku 4 pjesëtarët e familjes Gjoka kishin shkuar në hotelin e tyre që kishin në Velipojë, për t´a bërë gati për nisjen e sezonit turistik.
Nga raportimet, shkak i shpërthimit është bërë rrjedhja e gazit në një nga bombulat që ndodheshin në katin e parë të godinës 3 katëshe, e cila pothuajse u shkatërrua tërësisht si pasojë e shpërthimit dhe flakëve.
Katër pjesëtarët e plagosur pësuan djegie në mbi 60 % të trupit dhe fillimisht u transportuan drejt pavionit të djegie plastikës në QSUT. Por gjendja e tyre shëndetësore u vlerësua si kritike për jetën dhe më pas u vendos transportimi i tyre drejt Italisë për një kurim më të specializuar.
