Rreth 100 efektivë nga Drejtoria e Përgjithshme e Policisë po ushtrojnë kontrolle në paraburgimin e Vlorës.
Nga raportimet mësohet se në fokus është kontrolli i qelive të të dënuarve, ndërsa urdhëri është dhënë nga Drejtoria e Përgjithshme e Burgjeve.
Ende nuk dihet se çfarë ka detyruar Policinë që të marrë një masë të tillë, duke nisur efektivë të saj nga Tirana për të ushtruar kontrolle në paraburgimin e Vlorës.
Sikundër nuk dihet nëse nga kontrollet janë gjetur ose jo sende të paligjshme.
Kontrolli në ambientet e qelive ka zgjatur rreth një orë. Ajo që vihet re nga raportimet është fakti se janë përjashtuar nga kontrolli efektivët e policisë lokale të Vlorës.
