Ish-mbrojtësi legjendar i Liverpulit dhe Anglisë, Jimmy Carragher beson se Anglia do të triumfojë në finalen e madhe që ‘’3 Luanët’’ do të luajnë kundër Italisë ditën e nesërme.
43-vjeçari u shpreh se nuk do të jetë ndeshje me shumë gola pasi Italia është shumë e forte në mbrojtje, por rezultati përfundimtar do të jetë 1-1 dhe Anglia do të triumfojë pas goditjes së penalltive.
‘’Kemi bërë një punë të madhe deri tani, kështu që mos ta çojmë mundin dëm! Nuk mendoj se do të shënosh shumë gola. Italia është shumë e fortë në mbrojtje, po kështu edhe Anglia.
Unë mendoj se rezultati përfundimtar do të jetë 1-1 dhe pastaj do të shkojnë drejt penalltive ku do të triumfojë Anglia. Të dyja ekipet kanë bërë një rrugëtim mbresëlënës, dhe të dielën fituesi i merr të gjitha’’, tha Karrager.
Ish-mbrojtësi luajti për 17 vite me Liverpulin, skuadër ku nisi karrierën në vitin 1996 dhe e mbylli me ‘’redsat’’ në vitin 2013.
