Zbardhen emrat e zyrtarëve dhe ish-zyrtarëve të Ministrisë së Brendshme, ndaj të cilëve është lëshuar urdhër-arrest lidhur me tenderin e uniformave të policisë, të kryer nga Ministria e Brendshme.
Edlira Naqellari, Kreshnik Bejkaj, Ani Omuri, Klevis Hasani, Anisa Bogdani, Flutura Çekrezi, Fatmir Demneri, Mariglen Buzali dhe Gëzim Mingaj janë personat e akuzuar si të përfshirë në dhënien e tenderit korruptiv, sipas hetuesve të SPAK. Ata janë zyrtarë apo ish-zyrtarë të MB, si dhe anëtarë të komisionit të vlerësimit për tenderin e uniformave, që kap vlerën e rreh 25 milion eurove dhe është zhvilluar një vit më parë.
Deri më tani janë ekzekutuar 8 urdhër-arreste, ndërsa janë kryer kontrolle në banesat e të akuzuarve.
Për personat e akuzuar, Prokuroria e Posaçme ka kërkuar masat e arrestit me burg dhe arrest shtëpiak, të miratuara nga Gjykata e Posaçme.
LEXO EDHE:
Korrupsion me tenderin e Ministrisë së Brendshme, urdhër-arreste për 9 zyrtarë
