Policia e Shtetit njoftoi se ka gjobitur rreth 56 kamionë me nga 3 mijë lekë secili. Sipas njoftimit zyrtar, kamionët janë gjobitur pasi kanë qarkulluar përgjatë sezonit turistik, duke shkelur Udhëzimin e Përbashkët të ministrit të Infrastrukturës dhe Energjisë dhe ministrit të Brendshëm, i cili kufizon lëvizjen e këtyre automjeteve duke filluar nga data 15 qershor 2021 deri në 15 shtator 2021.
Si rezultat i kontrolleve, mbrëmjen e sotme janë ndëshkuar me masë adiminstrative nga Policia Rrugore e DVP Tiranë, Lezhë, Durrës, Fier e Vlorë, drejtuesit e 56 kamionëve, me masë administrative 3000 lekë secili.
Në fakt në Tiranë, pa asnjë kufizim gjen mjete të tonazhit të rëndë, veçanërisht betoniere, që qarkullojnë në çdo rrugë, dhe nuk ndalen nga policia rrugore, apo çdo lloj policie tjetër, pavarësisht emërtesës që mban. Rastet janë denoncuar publikisht nga mediat, ndërkohë që nuk ka pasur asnjë masë nga Policia.
