Një lajm i mirë vjen nga BioNtech dhe Pfizer, të cilët janë duke zhvilluar një vaksinë kundër Covid-19 të përshtatur për variantin Delta të koronavirusit.
Së shpejti, kompanitë do të testojnë edhe sa efektive është kjo vaksinë e re.
Lajmin e kanë bërë të ditur prodhuesit. Përditësimi i medikamentit është bërë në Mainz dhe kompania farmaceutike planifikon që të nisë me testimet në gusht. Pra vaksina, e cila është prodhuar me teknologjinë e ARN-së “korriere”, është përditësuar dhe në këtë rast u përdor një proteinë “spike” me mutacionin Delta.
Ky i fundit cilësohet të jetë si varianti më i transmetueshëm i koronavirusit dhe pritet që së shpejti të jetë dominues në të gjithë botën.
