Rritja e rasteve me COVID-19 në javët e fundit ka alarmuar Greqinë në një moment kur sapo është hapur sezoni turistik dhe shpresat për rimëkëmbjen e ekonomisë janë pikërisht nga ky sektor.
Por varianti “Delta” po përhapet me shpejtësi. Profesori i grek Sëmundjeve Infektive dhe anëtar i Komitetit të Ekspertëve Nikos Sypsas ka një parashikim ogurzi për atë që do të ndodhë brenda korrikut dhe në gusht.
“Moshat e reja po infektohen shumë shpejt për momentin. Nuk ka dyshim që “Delta” do të mbulojë të gjithë Greqinë, ndoshta brenda korrikut. Numri i madh i rasteve do të vijë rreth mesit të gushtit. Mutacioni Delta do të prekë ata që nuk janë vaksinuar” tha Sypsas.
Por ai kishte edhe një lajm të mirë. Profesori tha se vitin tjetër në verë gjithçka do të jetë mbyllur. “Vitin tjetër në verë do të përfundojmë me koronavirusin. Unë mendoj se të gjitha pandemitë përfundojnë në tre vjet” deklaroi ai.
