Ministria e Jashtme e Rusisë ka reaguar lidhur me rastin e pak ditëve më parë në Shqipëri, ku Drejtoria e Antiterrorit i kërkoi Prokurorisë së Tiranës, nisjen e hetimeve të thelluara lidhur me rolin e dy rusëve, Georgi Budanov dhe Vladislav Cherkasov në Shqipëri.
Të dy, erdhën në Shqipëri para nisjes së stërvitjes ushtarake “Defender 21” dhe dyshohet se erdhën për spiunazh.
Ndërkohë në reagimin nga Ministria e Jashtme e Rusisë, hetimi cilësohet një akt propagande i NATO-s. Sipas tyre, e gjitha po zmadhohet nga media për më shumë bujë.
“Media shqiptare po e fryn çështjen penale të hapur nga dy prokurorët vendas kundër dy rusëve që dyshohen për spiunazh. Ambasada ruse në Shqipëri i ka dërguar një kërkesë Ministrisë së Jashtme të Shqipërisë. Incidenti duket të jetë një propagandë nga ana e NATO-s,”- shkruan Ministria e Jashtme ruse.
💬#Zakharova: Albanian #media are fuelling the hype around the criminal cases opened by local prosecutors against two Russians allegedly suspected of espionage.@RussianAlbania sent an inquiry to the Albanian MFA. The incident appears to be an exercise in #NATO propaganda ☝️ pic.twitter.com/KOpNDF7H4O
— MFA Russia 🇷🇺 (@mfa_russia) July 9, 2021
Dy rusët Georg Budanov dhe Vladislav Cherkasov janë vendosur nën hetim nga prokuroria e Tiranës si të dyshuar për spiunazh, për dy vepra të kodit penal 213 dhe 214 dhe që bëjnë fjalë për dhënie dhe sigurim informacioni.
Budanov hyri ne Shqipëri përmes Qafë Thanës në 1 mars 2021. Ai u prezantua si biznesmen që ishte i interesuar te investonte ne qytetin e Vlorës. Por veprimtaria e tij megjithë informacionin sekret shikohet e dyshimte nga hetuesit që dyshojnë se Budanov qëndroi në Orikum gjatë kohës që në Vlore kryhej Defender Europe, një nga stërvitjet më të mëdha ushtarake e zhvilluar në Evrope. Rusi u dëbua nga policia kufitare qendrore në datën 10 maj, nën argumentin qv nuk përmbushte kushtet e qëndrimit në Shqipëri.
Rusi i dyte Cherkasov hyri ne 12 maj përmes Muriqanit. Edhe ai u intervistua, kurse nuk u lejua që të fuste në vendin tonë dronin. Ai u mbaj nen vëzhgim gjate tre ditëve qëndrimi dhe çdo lëvizje e tij dhe e personave qe ka takuar është referuar ne prokurori.
Cherkasov u vëzhgua ne distance nga antiterrori shqiptar, rezulton se ai qëndroi ne një hotel luksoz në Tirane, pa u regjistruar me identitetin e tij të vërtetë, e mandej u zhvendos në Durrës, ku dhe qëndroi vetëm tre dite për tu larguar me pas nga Shqipëria.
