Tashmë është zyrtare, Eljon Sota është lojtari i ri i Partizanit. Ish-mbrojtësi i Apolonisë ka nënshkruar një kontratë 3-vjeçare me skuadrën kryeqytetase.
23-vjeçari do të jetë i gatshëm për sfidën e turit të parë të Ligës së Konferencës mbrëmjen e sotme ndaj Stinful George e cila do të zhvillohet në stadiumin “Elbasan Arena” në orën 20:00.
Mbrojtësi u aktivizua përgjatë gjithë 90 minutave të plota në 36 takimet e sezonit të kaluar me skuadrën e Apolonisë, duke u bërë si lojtari i vetëm me më shumë ndeshje në kampionat.
Lajmin e transferimit të Sotës me “demat” kanë qenë vetë klubi i Partizanit e cila ka njoftuar zyrtarizimin e mbrojtësit të njohur me anë të një postimi në profilin e saj në rrjetin social “Facebook”.
NJOFTIMI I KLUBIT TË PARTIZANIT
“ZYRTARE 🤝
ELJON SOTA VISHET I KUQ
✍️FK Partizani zyrtarizon arritjen e marrëveshjes me Eljon Sota. Mbrojtësi 23 vjeçar ka nënshkruar me të kuqtë një kontratë tre vjeçare. Sota pjesë e ekipeve zinxhir të Apolonisë si dhe ish pjestar i ekipit tonë përfaqësues U-21, sezonin e kaluar me Apoloninë u konfirmua si i vetmi lojtar i kampionatit tonë i cili është aktivizuar 90 minuta të plota në 36 takimet e Kategorisë Superiore. Sota do të jetë i gatshëm për përballjen e sotme ndaj Sfintul Gheorghe.
#MirësevjennëfamiljeneKuqeEljonSota💪
#PërjetMeTyPartizan🔴”
