Qeveria japoneze ka shpallur gjendjen e jashtëzakonshme në Tokio, deri më 22 gusht, pas një vale të re të infeksioneve të koronavirusit, periudhë që përkon me Lojërat Olimpike.
Lojërat Olimpike do të zhvillohen nga data 23 korrik deri në 8 gusht. Ministri i Ekonomisë Yasutoshi Nasimura tha se gjendja e jashtëzakonshme do të vendoset nga 12 korriku, raporton CNN.
Në mars, organizatorët kishin vendosur të ndalonin ardhjen e spektatorëve të huaj në Japoni për Lojërat Olimpike, një fakt që nuk ka ndodhur kurrë më parë në historinë e Lojërave.
Në qershor, autoritetet njoftuan se prania e spektatorëve vendas do të lejohej, me mbushjen e 50% të kapaciteteve të mjediseve.
Megjithatë tashmë është zyrtare dhe Lojërat Olimpike do të mbahen me dyer të mbyllura. Mungesa e tifozëve pritet të rrisë kostot për organizatorët, sepse nuk do të gjenerohen të ardhura nga biletat, ndërsa shpenzimet janë tepër të larta.
BREAKING: Tokyo Olympics to be held without fans, Olympic Minister Maurkawa tells Kyodo as state of emergency goes into force. https://t.co/Hug9kLhpUc
— The Associated Press (@AP) July 8, 2021
