Ulpiana nuk ka ndërmend të ndalet në merkato duke synuar lojtarë nga tregu shqiptar i futbollistëve.
Pas afrimit të trajnerit shqiptar Edlir Tetova dhe mbrojtësit Silvester Shkalla, skuadra nga Lipjani ka zyrtarizuar një tjetër goditje nga Superiorja, atë të sulmuesit Ermir Rezi.
Shkalla dhe Rezi ishin pjesë e Kastriotit sezonin e kaluar duke mos gjetur gjuhën e përbashkët për rinovimin e kontratës me krutanët. Rezi është një sulmues me eksperiencë ku është aktivizuar në disa ekipe si Kastrioti, Kamza, Teuta dhe Erzeni dhe tani do të jetë pjesë e skuadrës kosovare.
Ulpjana vazhdon me projektin serioz pas ngjitjes në Superligën kosovare, pasi ambiciet e drejtuesve janë që mos të jenë thjeshtë kalimtar në kampionat.
