Një 55-vjeçar raportohet të jetë gjetur pa jetë në banesën e tij në lagjen ‘Skënderbeg’ të qytetit të Lezhës.
Ai është identifikuar si Kujtim Metrushi, i cili është konstatuar i pajetë nga zjarrfikësit, të cilët kanë hyrë në banesën e të ndjerit, sapo janë lajmëruar nga banorët e pallatit, të cilët pasi kanë konstatuar një aromë të rëndë që vinte nga banesa e 55-vjeçarit, kanë lajmëruar menjëherë policinë.
Kjo e fundit ka shkuar menjëherë në vendin e ngjarjes, ku ka nisur edhe hetimet përkatëse për këtë ngjarje.
Nga raportimet mësohet se viktima jetonte vetëm në banesë, ndërsa paraprakisht dyshohet se ai ka ndërruar jetë për shkaqe natyrale.
