Një aksident, me protagonist një shqiptar, është regjistruar mbrëmjen e djeshme në një prej shesheve të kryeqytetit italian, ku po festohej kualifikimi i Italisë për në finalen e EURO 2020.
Sipas mediave italiane, shqiptari, i cili drejtonte një automjet tip ‘Fiat Punto’ ka përplasur një motor me dy pasagjerë dhe e gjithë ngjarja është regjistruar nëpër telefonat e dëshmitarëve në vendin e ngjarjes.
Përplasja ndodhi teksa shqiptari po kryente disa manovra të rrezikshme në shesh e për pasojë përplaset me motorin ku po udhëtonin një djalë maroken 20 vjeç, së bashku me një adoleshente 14-vjeçare.
E mitura ka pësuar dëmtime të rënda në fytyrë dhe i është thyer nofulla, ndërkohë 20-vjeçari është dërguar në spital vetëm me dëme në fytyrë.
Shoferi i makinës është 25 vjeç. Deri më tani autoritetet nuk e kanë publikuar emrin e shqiptarit, por ajo që dihet me siguri është që në momentin e aksidentit ai ka qenë i dehur.
Makina i është sekuestruar ndërsa ndaj tij rëndon akuza e drejtimit të mjetit në gjendje të dehur dhe të rrezikshme. Po ashtu ka marrë një gjobë të majme, sepse mjeti nuk kishte siguracion dhe certifikatë regjistrimi.
https://www.youtube.com/watch?time_continue=50&v=kiDc46LLmfc&feature=emb_logo
