Hetuesit gjermanë kanë bastisur ditën e sotme shtëpitë e dy të njohurve të autorit të vrasjes së katërfishtë në Vjenë. Të dy të njohurit e Kujtim Fejzullait mund të kenë ditur për planet e tij dhe për sulmin, por nuk arritën të informojnë autoritetet. Katër njerëz u vranë në sulmin më 2 nëntor dhe vetë Fejzullai vdiq. Njëzet të tjerë, përfshirë një oficer policie, u plagosën. Fejzulai, një shtetas i Austrisë dhe Maqedonisë së Veriut, kishte një dënim të mëparshëm për përpjekjen për t’u bashkuar me IS në Siri.
Prokurorët identifikuan burrat shtëpitë e të cilëve u kontrolluan ditën e sotme në Osnabrueck dhe Kassel dhe ata janë Blinor.S shtetas i Kosovës dhe shtetasi gjerman Drilon G, por prokuroria nuk tha se dyshja ishte arrestuar. Ata thanë se të dy janë radikalë islamikë dhe kishin qenë në kontakt të ngushtë me Fejzullai përmes mediave sociale. Ata e vizituan atë në Vjenë për disa ditë në korrik 2020, menjëherë pasi ai kishte marrë armën që përdori në sulm dhe u takua me radikalët e tjerë nga Austria dhe Zvicra, sipas prokurorëve.
Prokurorët pohuan se, duke pasur parasysh “marrëdhënien e tyre të ngushtë personale” me Fejzullain dhe pikëpamjet e tyre radikale, të dy burrat e dinin që kur ishin takuar se ishte e mundur që ai të kryente një sulm. Pas sulmit, të dyshuarit ishin përpjekur të fshihnin lidhjet e tyre me Fejzulain, duke fshirë komunikimet dhe kontaktet me të në celularët e tyre dhe rrjetet sociale, tha zyra e prokurorit.
