Një sherr raportohet se ka ndodhur mbrëmjen e djeshme në sheshin “Skënderbej” në kryeqytet, gjatë përballjes mes Italisë dhe Spanjës në kuadër të gjysmëfinaleve të EURO 2020, disa të rinj shihen teksa përleshen me njëri – tjetrin.
Në një video të publikuar nga “JOQ”, shihet një grumbull me rinj që zihen në minutat e fundit të ndeshjes, teksa ishin duke u ekzekutuar penalltitë e fundit.
Në video, duken disa të rinj që zihen keq me njëri-tjetrin ndërsa njëri prej tyre kap edhe stolin e drurit për t’i gjuajtur dikujt, ndërsa disa persona të tjerë ndërhynë për t’i ndarë. Nuk dihet se çfarë ka ndodhur më pas me personat e përfshirë në këtë përleshje, nëse janë shoqëruar në komisariat, apo nëse gjithçka është shuar aty për aty.
