Kuvendi zhvillon sotseancën e fundit plenare, e cila shënon edhe mbylljen e legjislaturës së Parlamentit aktual.
Në seancën e sotme ulen për herë të fundit në Kuvend një pjesë e deputetëve të asaj që u konsiderua si opozita parlamentare si Myslim Murrizi, Kujtim Gjuzi, Rudina Hajdari, Kostaq Papa, Adriatik Alimadhi, Andi Përmeti, etj.
Gjithashtu për herë të fundit pjesë e seancës parlamentare do të jenë edhe disa nga deputetët socialistë, si dhe një pjesë e kabinetit qeveritar, të cilët në shtator pritet që të zëvendësohen.
Në rend dite është parashikuar raportimi i Avokatit të Popullit, Departamentit të Administratës dhe Institutit të Krimeve të Komunizmit për punën e tyre vjetore.
Nga ana tjetër, sot pritet edhe që të zgjidhjet kryetarja e re e AMA-s, ku në garë janë Alketa Dibra dhe Armela Krasniqi, mes akuzave të opozitës se qeveria Rama po favorizon kandidaturën e kësaj të fundit.
