Largimeve në skuadër mund t’u shtohet edhe Ardit Toli. Lojtari ka kërkuar që të jetë pjesë e projektit, në të kundërt t’i japin letrat.
Mesfushori ka qenë titullar gjatë kohës së Nevil Dedes, por më pas doli rezervë. Futbollisti luan në çdo pozicion të mesfushës dhe në krahun e djathtë të mbrojtjes.
Veç Tolit, Tirana mund të humbasë Marsel Ismajlgecin, i cili mund të shitet në merkato. Nga ana tjetër, Tirana do të qëndrojë në Tiranë për gjithë korrikun dhe më pas do të zhvendoset në Pogradec.
Skuadra bardheblu do të qëndrojë në Shqipëri për arsye pandemie, por edhe pse në juglindje kushtet janë shumë të mira dhe Tirana nuk ka përse të emigrojë jashtë Shqipërisë për fazën përgatitore.
