Sadete Kukajn e cila mbeti e plagosur nga shpërthimi i bombolës së gazit në shtëpi si dhe djali i saj 14 vjeç u shpëtuan nga fqinji i tyre.
Ymer Senaj në një prononcim për mediat ka shpjeguar se si nodhi ngjarja dhe se si i nxori nga shtëpia djalin dhe të ëmën.
“Kam qenë duke mbushur ujë dhe më thirrën. Kam thyer xhamin dhe derën. Mendoja për djalin. Hipa prej shkallëve tek dhoma sipër, vura shkallë druri. Mora zorën e ujit dhe po e hidhja në kuzhinë. Zonjën e shtëpisë e kemi gjetur në tokë. Ambulanca erdhi dhe policia. Bëhet fjalë për bombulën e gazit, ne nuk dëgjuam gjë” – tha ai.
Ndërkohë vëllai i Sadetes, Can Kukaj thotë se zonja është në gjendje të mirë shëndetësore dhe se ka pësuar djegie në gjoks, krah dhe fytyrë.
“Po bënte mëngjesin për djalin dhe burrin. Ka ndodhur fatkeqësia. Është djegur në pjesën e gjoksit pak, krahu është djegur shumë, në fytyrë pak. Nuk është në gjendje kritike për jetën.
Ngjarja e rëndë ndodhi mëngjesin e sotëm rreth orës 06:00 të mëngjesit në banesën e Sadete Kukajt në fshatin Palvar në Koplik. Bombola e gazit shpërtheu dhe ka shkaktuar flakët duke djegur orenditë në katin e parë të banesës.
