Deputetja e zgjedhur e Partisë Demokratike, Albana Vokshi, i ka bërë thirrje kryeminsitrit Edi rama që të tërhiqet nga vendimi për të emëruar në krye të AMA-s, zëdhënësen e tij, Armela Krasniqin.
Sipas Vokshit Rama nesër përmes parlamentit do të kërkojë të kapë dhe Autoritetin e Medias Audiovizive përmes Armela Krasniqit.
Vokshi thekson se nesër është dita kur Rama duhet të tërhiqet nga ky vendim skandaloz dhe autoritar, për të mos e nxirë edhe më shumë imazhin e Shqipërisë.
Postimi i Vokshit:
Rama zyrtarizon nesër zëdhënësen e PS në kry të AMA. PD, Vokshi: Liria e medias dhe demokracia e kërcënuar nga regjimi që qëndron në pushtet me votë të vjedhur
Është koha që Edi Rama të tërhiqet nga vendimi antidemokratik për të kapur Autoritetin e Medias Audiovizive përmes zëdhënëses së tij.
Votimi i parashikuar nesër në orët e fundit të këtij parlamenti ilegjitim është kthyer në shqetësim për Reporterët Pa Kufij. Në reagimin e sotëm, organizata kryesore në mbrojtje të gazetarëve vë në dukje se ky vendim po merret pa opozitën, përpara nisjes nga puna të parlamentit të ri.
Është e papranueshme për standardet demokratike që zëdhënësja e Edi Ramës të emërohet në krye të një institucioni të pavarur, veçanërisht, kur qeveria nuk ka hequr dorë akoma nga ligji i censurës që dënon gazetarët me burg.
Nesër është dita që qeveria të tërhiqet dhe të mos i nxijë më shumë imazhit Shqipërisë si vendi ku gazetarët dënohen me burg, liria e medias është në rrezik dhe demokracia akoma më e kercënuar nga nje regjim autoritarist që qendron në pushtet me votë të vjedhur!
