Edhe pse qarkullimi i mjeteve të tonazhit të rëndë sipas përcaktimeve ligjore duhet të kryhet pas orës 20:00 deri në 7:00, në Tiranë orari shkelet masivisht.
Në rrugët e kryeqytetit qarkullojnë betoniere gjatë gjithë ditës duke rënduar akoma më shumë trafikun që prej kohësh në Tiranë është kthyer në një makth për drejtuesit e çdo lloj mjeti me rrota.
Në foto më poshtë shihet një betoniere, që jo vetëm lëviz gjatë orarit të ndaluar, por kryen edhe manovra të rrezikshme në rrugë duke u bërë burim aksidenti.
Dhe e gjitha kjo bëhet nën hundën e policisë dhe shkelësit nuk i ndëshkon askush!
Në komunikimet periodike që jep policia për shkeljet e qarkullimit rrugor mundojnë masat penalizuese për drejtuesit e kamionëve dhe betoniereve. Edhe pse rastet janë të shumta, para syve të policëve, e të denoncuara herë pas here edhe në media me pamje.
Mungesa e ndëshkimit nga ana e policisë ndoshta lidhet me faktin se mjetet e rënda të atyre që qarkullojnë jashtë orarit të përcaktuar janë në pronësi apo lëvizin për llogari të miqve të Erion Veliajt, kryebashkiakut të Tiranës, apo Erion Ahmetajt, kreut të Policisë Rrugore të kryeqytetit.
