Arrestimi i Kryebashkiakut të Lushnjes, Fatos Tushe, ka sjellë reagimin e kreut demokrat Lulzim Basha, sipas të cilit, ky vendim ka ardhur pas denoncimeve shumëvjeçare nga PD të bashkëpunimit të tij korruptiv me krimin e organizuar.
Basha shprehet se ky moment mund të jetë një fillim i mbarë.
Por, sipas kreut demokrat, kjo do të varet nga aftësia, kuarajo dhe pavarësia e drejtësisë për të goditur lidhjet e pushtetit me krimin, lidhjet e Hakmarrjes për Drejtësi me Tushën, Braçen dhe vetë Ramën, dhe përfitimet e tyre të ndërsjellta në vite të gjata bashkëpunimi.
Kryebashkiaku Fatos Tushe u arrestua me urdhër të SPAK bashkë me zyrtarë të tjerë të Bashkisë së Lushnjes dhe institucioneve vendore në këtë qytet, që akuzohen për shpërdorim detyre.
