Fatos Tushe, kryebashkiak i Lushnjes, dhe 6 persona të tjerë, zyrtarë të institucioneve vendore në Bashkinë e Lushnjes, do të qëndrojnë në qeli, ndërsa për 4 nga të arrestuarit e tjerë janë caktuar masat paraprake të arrestit shtëpiak.
Nga rapotimet mësohet se ndaj 11 personave të arrestuar rëndojnë akuzat e ”korrupsionit pasiv të personave që ushtrojnë funksione publike”, “shkelja e barazisë në tendera apo ankande publike”, “shpërdorimi i detyrës” dhe “falsifikimi i dokumenteve”, ndërkohë që hetimet kanë nisur që prej vitit të kaluar.
Zyrtarët e Bashkisë së Lushnjes janë arrestuar brenda institucionit, ndërkohë që me urdhër të SPAK janë kryer kontrolle dhe në zyra të tjera të bashkisë.
Tushe është transportuar me një automjet të bardhë, i shoqëruar nga efektivë të policisë. Operacioni është zhvilluar gjatë paradites së sotme nga forcat speciale, RENEA dhe FNSH.
Arrest me burg
Fatos Tushe, kryetari i Bashkisë së Lushnjes
Flamur Peqini, drejtor i ndërmarrjes së pasurive publike
Ibrahim Lami, administrator i “Loti SHPK”
Bujar Murati, administrator i “Euro alb shpk”
Gazment Çela, zyrtar i ndërmarrjes së pasurive publike
Bektash Nexha, zyrtar i ndërmarrjes së pasurive publike
Blerta Turku, zyrtar i ndërmarrjes së pasurive publike
Arrest shtëpie
Xhemal Hasko, zyrtar i ndërmarrjes së pasurive publike
Margarita Gjermeni, zyrtare e ndërmarrjes së pasurive publike
Andri Nusho, zyrtar i ndërmarrjes së pasurive publike
Ani Simoni, zyrtare e ndërmarrjes së pasurive publike