Një kuti që përmbante 15 qershi ”premium” në Japoni u shit për 450 000 jen, e barazvlefshme me 3 400 euro, në ankandin e parë të sezonit, në veri të vendit.
Ky varietet qershie, i njohur për shijen, i kultivuar dhe i promovuar nga prefektura e Aomori, ka një gjerësi minimale prej 31 milimetrash dhe shitet me emrin e ”Heartbeats of Aomori”.
“Fokusi në këtë lloj produkti është më i madh këtë vit sesa në vitin 2020 dhe kërkesat janë vendosur të rriten për shkak të shpërndarjes së kufizuar”, tha presidenti i një kompanie që operon në tregun e përgjithshëm të Hachinohes, më i rëndësishmi i rajonit.
Autoritetet lokale synojnë të fillojnë një fushatë për të eksportuar qershi qysh në vitin aktual fiskal, në mënyrë që të jenë në gjendje t’i shesin ato në restorante të nivelit të lartë në Japoni dhe në dyqanet e Hong Kongut për klientët më prestigjiozë.
