Kosova ka regjistruar tre raste të reja me koronavirus, njoftoi të Hënën Ministria e Shëndetësisë.
Rastet e reja dolën pas 1.105 testimeve.
Gjatë 24 orëve të fundit, janë shëruar edhe pesë persona, ndërsa raste aktive janë 158.
Në total, Kosova ka regjistruar 107.800 raste me koronavirus, 2.261 raste të vdekjeve dhe 105.381 të shëruar.
Sa i përket vaksinimit, në 24 orët e fundit janë vaksinuar 569 persona. Që prej Marsit, kur në Kosovë nisi vaksinimi kundër koronavirusit, në vend janë vaksinuar 206 443 persona, ku 49 616 prej tyre janë vaksinuar plotësisht.
