Presidenti i Republikës Ilir Meta ka reaguar pas situatës së rëndë mjedisore krijuar me plehrat jo vetëm në Durrës, por edhe në bregdetin e Adriatikut.
Në një postim në “Facebook”, Kreu i Shtetit e cilëson të papranueshmë dhe të dënueshme ligjërisht situatën në prag emergjence dhe kërkon reagimin e menjëhershëm të pushtetit vendor dhe institucioneve përgjegjëse.
“E papranueshme dhe e dënueshme ligjërisht situata e rëndë mjedisore, në prag emergjence, e shkaktuar nga mbeturinat në qendrat urbane dhe përgjatë bregdetit të Adriatikut, veçanërisht në kulmin e sezonit turistik.
Ky krim mjedisor, me pasoja të rënda për shëndetin e banorëve dhe të turistëve, për florën e faunën dhe që dëmton imazhin e Shqipërisë, meriton ndërgjegjësim dhe reagim të menjëhershëm efektiv të pushtetit vendor dhe të institucioneve përgjegjëse për mbrojtjen e mjedisit, si dhe ndëshkim nga drejtësia. 🇦🇱”, deklaron Presidenti Meta.
