Nga Boldnews.al
Xheli i tepërt në flokët e Veliajt mund t’i ketë “thithur” një pjesë të trurit. Kjo është një dilemë e madhe dhe ai është në hall, sepse këdo që mendon ndryshe nga ai e konsideron shpellar, huligan, dhe së fundmi nga fjalori i tij llum, nxorri edhe fjalën hajvan… Kështu i cilësoi ata që mbrojnë çështjen e Tetarit Kombëtar të cilët e dërguan dosjen në Gjykatën Kushtetuese.
“Njerëz që nuk kanë asnjë lloj peshe ne i bëjmë personazhe publikë që më pas do të harronin. E njëjta gjë ndodhi edhe për lodrat të liqeni. Këta janë njerëz kot, që hedhin gurë në lumë, dhe nuk besoj që ne duhet të ikim të nxjerrim gurin nga lumi. Nuk mund t’i përgjigjemi çdo hajvani që merr mikrofonin”, tha Veliaj. Më tej ai shtoi se për 100 ditë do të nisë ndërtimi i teatrit të ri. Po çfarë e bën Veliajn të jetë në ankth?
Paçka se njohuritë e tij janë vetëm në çështjen e propagandës dhe lidhjeve me oligarkinë, dikush do i ketë pëshpëritur në vesh: ‘shef, nuk e kemi punën mirë’… Kjo e tërbon Lalin e Bashkisë Tiranë, i cili tashmë e ka të qartë se çështja e Teatrit Kombëtar nuk do të shërbejë si qokë për oligarkinë, apo mjet për të bërë propagandë, pasi pas fadromave që shembën gondinën në “ditën e LGBTQI-së” me 17 maj 2020, fshihet edhe ndonjë qeli burgu, gjithnjë nëse ligji do të funksionojë.
Në vendimin e Gjykatës Kushtetuese, janë shqyrtuar tre etapa të qeverisë, Parlamentit dhe Bashkisë Tiranë në lidhje me çështjen e Teatrit Kombëtar. Mbi ligjin special “Fusha” dhe Vendimin e Këshillit të Ministrave për kalimin e pronësisë së truallit të teatrit në administrimin e Bashkisë së Tiranës, Gjykata Kushtetuese është shprehur se janë në shkelje. Ndërsa për prishjen e Teatrit Kombëtar, i cili erdhi pas vendimit të Këshillit Bashkiak, nuk e ka marrë në shqyrtim, pasi nuk është në kompetencë të Gjykatës Kushtetuese.
Megjithatë, duke i paraprirë “xhonglimeve” të Lalit të Rilindjes, Gjykata Kushtetuese ka vendosur që të urdhërojë pezullimin e menjëhershëm të çdo nisme që ka të bëjë me ndërtimin e teatrit të ri kombëtar. Juridikisht nuk mund të ndërtojë më, pasi Bashkia Tiranë nuk ka as pronësi dhe as bazë ligjore për të hedhur betonin e Rilindjes mbi rrënojat e ish-godinës historike trashëgimi kulturore.
Vendimi i Kushtetueses është i qartë, por pikërisht kjo e tërbon njeriun që mendja e tij sheh vetëm kulla dhe shkatërrim të objekteve kulturore. Dhe nëse mendoni ndryshe nga Veliaj, ai të vë epitete të rënda dhe fyen këdo qytetar që i del kundër.
Shpellarë i quajti banorët e Unazës së Re që protestonin kundër prishjes së banesave, huliganë ata që reaguan për vrasjen nga policia të 25-vjeçarit Klodjan Rasha, zdromsa meshkujt shqiptarë, hajvanë ata që përfaqësojnë grupimin për Tetarin Kombëtar…
Por ka edhe më shumë. Nëse Veliaj dorëzohet si “pako Rama” në duart e drejtësisë, atëherë mund ti kujtohet koha kur djaloshi që “mburrej” se ishte shtresë e ulët që shiste fiq për të mbajtur familjen dhe që arriti majat e pushtetit përfundoi me një dosje penale mbi shpinë. Po ata që e keqpërdorën dhe mund ta shesin edhe pa “lekë” fare, pa “tender” e pa “PPP”, si do i quajë? Me siguri goja nuk ia nxë ti verë epitete, sepse sharjet dhe fyerjet Lali Eri i ka për qytetarët dhe jo për më të mëdhenjtë se vetja.
