U dëmtua në gju me Francën, operohet lojtari i Bayern Munchen

Bayern Munchen mori një lajm të keq nga Franca në Kampionatin Europian, kur mësoi për shqetësime fizike të një prej yjeve të mbrojtjes: Lucas Hernandez.

Mbrojtësi luajti në dy ndeshje për Francën në Europian dhe pësoi një dëmtim në gjurin e majtë. Pasi mjekët e Bayern Munchen e kanë shqyrtuar situatën, është shfaqur nevoja e operimit.

Sot Hernandez është operuar dhe drejtori sportiv i Bayern Munchen, Hasan Salihamidzic tregon se gjithçka ka shkuar mirë dhe se Hernandez do mungojë disa javë, duke u privuar nga faza përgatitore dhe starti i sezonit.

LEXO EDHE  ZYRTARE/ Tjetër largim te Vllaznia, klubi shkodran njofton “divorcin” me titullarin

“I urojmë shërim të shpejtë Lucas. Mjekët tanë janë të kënaqur me mbarëvajtjen e operacionit. Do jetë në dispozicion të trajnerit tonë pas disa javësh”, tregoi ai.