Ronaldo apo Schick? Uefa sqaron kush është golashënuesi i Europianit

Schick shënoi golin e tij të pestë në Euro 2020 në ndeshjen e fundit të Republikës së tij Çeke, të eliminuar në çerekfinale kundër Danimarkës.

Ish sulmuesi i Romës ka arritur kështu vendin e parë të shënuesve më të mirë bashkë me Cristiano Ronaldo i cili edhe ai është ndalur në kuotën e pesë golave.

Sidoqoftë, Uefa e ka bërë të qartë se kush do të fitojë këpucën e artë në këtë rast. Nëse do të ketë barazim golash, konsiderohen asistet vendimtare dhe momentalisht kryegolashënuesi i Kampionatit Europian është Ronaldo pasi ka 5 gola por edhe një asist, ku për CR7 llogaritet asistimi i dhënë për Diogo Jotan kundër Gjermanisë.

LEXO EDHE  Arsenal godet në merkato

Zyrtarisht ende nuk ka mbarua asgjë pasi mund të ketë ende rrezik për Ronaldon pasi janë Harry Kane, Sterling, Dolberg me 3 gola dhe që kanë shanse ende për të shënuar.

Ndërkohë edhe Insigne, Locatelli, Immobile me dy gola te Italia dhe Ferran Torres, Morata e Sarabia te Spanja me dy të tillë kanë shanse teorike në letër por vendimtare do të jetë për ekipin që do të shkojë deri në finale pasi janë dy ndeshje e më shumë mundësi për të shënuar.