Përforcim në mbrojtje, Vllaznia ka gati 23 vjeçarin për ndeshjet e Conference League

Vllaznia do ketë gati Abdurraman Fangaj. Shkodranët e afruan 23 vjeçarin nga Laçi një sezon më parë, teksa mbrojtësi nuk ia doli të lërë pas dëmtimin për të treguar cilësitë e tij. I rikuperuar plotësisht, Fangaj ka zhvilluar fazën përgatitore dhe është gati për trajnerin Brdaric.

Kuqeblutë luajnë në 8 korrik me Shiroki Brijeg sfidën e parë të Conference League në Bosnjë (21:00), teksa një javë më vonë dueli i kthimit zhvillohet në “Loro Boriçi”.

LEXO EDHE  Zyrtare/ Shkëndija zëvendëson Ernest Gjokën, ja trajneri i ri i skuadrës shqiptare

Me shkodranët që kanë afruar disa lojtarë këtë merkato, mund t’i shtohet edhe emri i Fangaj, që ka kontratë deri verën e 2022.