Mollë sherri për Andin dhe Jasminën? Diona Fona reagon për herë të parë

Kënga “Sheqer” e Diona Fonës është komentuar gjerësisht dhe shkak ka qenë konkurrenti i Për’puthen Andi Artani, i cili është protagonisti në klipin e këngëtares. Pjesëmarrja e tij në klipin e Dionës ka shkaktuar zënka mes Andit dhe Jasminës asokohe, e cila kjo e fundit e ka shfaqur hapur xhelozinë.

Diona, e ftuar në “Soiree” me Jonida Shehun, theksoi se mes tyre ka patur një bashkëpunim profesional dhe asgjë më shumë, ama nuk e mohoi që Andi i plotëson kriteret për mashkullin që Diona kërkon të ketë në krahë.

Pjesë nga intervista:

Diona Fona: I kam dëgjuar këto lajme, më kanë rënë në vesh.

Jonida Shehu: Je shqetësuar për këto lajme?

Diona Fona: Jo aspak fare.

Jonida Shehu: Nuk ndihesh keq që je bërë preteks të ndahet një çift?

Diona Fona: Çka duket në televizion, nuk është e vërteta. Gjithmonë duhet të lesh hapësirë që të mendosh që është ndryshe historia. Nuk është që edhe i kam përcjellë. Ata si çift nëse kanë vendosur që të ndahen, kanë vendosur që të ndahen për arsyet e veta. Unë nuk kam lidhje. Unë kam pasur bashkëpunim profesional. E kam marr si model, si aktor në spot edhe kaq.

LEXO EDHE  Korça fton Goran Bregovic për festën e birrës, Eva Murati: Nuk do marr pjesë, s'jam e sëmurë me sindromën e Stockholmit

Jonida Shehu: Në një rrethanë tjetër, në një kohë tjetër, nëse nuk do kishim të bënim me këtë bashkëpunimin profesional, mund të ishte Andi steriotipi i një djali që mund t’i pëlqente Dionës?

Diona Fona: Andi është shumë i mirë në të gjitha aspektet dhe kam shumë respekt për të. Është shumë djalë i mirë. Mendoj që e ka menaxhuar situatën shumë mirë. Po more, pse jo. Ka sene shumë të mira të një djali, s’i dihet. (duke qeshur).