Mary J.Blige ka deklaruar se kishte menduar ta vriste vetën në fillim të karrierës së saj profesionale, mirëpo nuk e ka bërë këtë me idenë se e dinte që kishte fansa të cilët intersoheshin për të.
Këngëtarja e hitit “Family Affair” është përballur me probleme të shëndetit mendor për më shumë se dy dekada, dhe pavarësisht vështirësive, ajo tani deklaron se është shumë më mirë.
“Nuk është aq keq sa ishte, jam në vendin e duhur. Por më duhet të luftoj për lirinë dhe lumturinë time çdo ditë”, ka thënë ajo për revistën People.
Këngëtarja e muzikës R&B ka folur në këtë intervistë edhe për dhimbjen që kishte ndjerë kur ishte divorcuar nga bashkëshorti i saj Kendu Isaacs, me të cilin ishte e martuar për 13 vjet. Ajo ka shtuar se muzika ia ka shpëtuar jetën duke thënë se po të mos ishte muzika, me siguri se ajo nuk do të ishte më.
