Policia italiane arrestoi një 19 vjeçar shqiptar, i cili së bashku me një bashkëmoshatar nga Tunizia akuzohen për zhvatjen dhe kërcënimin e një italiani.
Shqiptari, me qëllim marrjen e 500 eurove, përmes mesazheve kërcënonte një italian se do ta vriste.
Sipas mediave italiane, preteksti për këtë kërkesë ishte fundi i marrëdhënies së shqiptarit me një vajzë, e cila atëherë ishte e lidhur me viktimën e kërcënimeve.
Kërkesat në internet u bënë më reale pasi disa dirë më parë, viktima e kërcënimeve, shqiptari dhe bashkëpunëtori i tij ishin takuar rastësisht në një klub në Busto Arsizio.
Ndërkohë policia ka bërë të mundur parandalimin e kësaj ngjarje, duke arrestuar shqiptarin dhe tunizianin.
Ndërkohë në cilësinë e provës materiale shqiptarit i është gjetur dhe sekuestruar një thikë kuzhine me vete.
