Policia e Kosovës ka marrë informata se në lagjen “Bregu i Diellit” në Prishtinë, dyshohet se gjendet një mjet shpërthyes.
Me mbërritjen në vendngjarje policia ka rrethuar zonën, ka konfirmuar praninë e një mjeti i cili dyshohet se është shpërthyes dhe po vijon punën duke marrë të gjitha veprimet e nevojshme të sigurisë.
Ngjarjen e ka konfirmuar zëdhënësi i policisë për rajonin e Prishtinës, Agron Borovci.
“Rreth orës 12:00 është pranuar informata se në lagjen “Bregu i Diellit” në Prishtinë është gjetur një mjet i dyshimtë që dyshohet të jetë mjet shpërthyes”, ka deklaruar Borovci.
Ai tha se policia ndodhet në vendngjarje.
“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme të sigurisë”, deklaroi Borovci.