500 mijë € më i shtrenjti i Superiores, na e bën “dhuratë” Teuta kampione

Liridon Latifi mund të jetë shitur 1 milion euro dhe të përfitojë 100 mijë euro në sezon, por eksperienca në Hungari me Akademia Puskas ka bërë që vlera e tij në Transfermarkt të pësojë një rënie të madhe.

Maksimumi i tij ka qenë 850 mijë euro, ndërsa tani vlerësohet me 100 mijë euro. Më i vlerësuari aktualisht është një prej prurjeve të merkatos, Pepi Gorgiev, sulmuesi që Teuta e mori nga Sileks dhe vlen 5 herë më shumë se anësori i Vllazninë.

Autori i 13 golave na kampionatin e Maqedonisë së Veriut vlerësohet me 500 mijë euro, duke lënë pas dy shokë skuadre te Teuta. Dejvi Bregu, të cilin e pret Boluspor në Turqi, vlerësohet me 450 mijë euro, kurse Lorenco Vila me 375 mijë euro.

LEXO EDHE  Partizani ndërhyn në merkaton e Tiranës, futet në garë për lojtarin e Kombëtares

Më këtë shifër Transfermarktvlerëson edhe dy lojtarë të tjerë të Superiores. Njëri prej tyre është mbrojtësi i majtë i Tiranës, Marsel Ismajlgeci, potencial për t’u shitur jashtë vendit, si dhe Mevlan Adili, një prej liderëve të Vllaznisë në sezonin e fundit.