Mediat turke kanë publikuar një rast të tmerrshëm të dhunës në familje, të ndodhur një vit më parë. Gruaja kishte vrarë burrin e saj, pasi ai e kishte torturuar barbarisht gjithë natën, duke e zhveshur dhe rrahur, deri në atë pikë sa e kishte lidhur me pranga vetëm për të intensifikuar dhunën e tij çnjerëzore.
Bëhet fjalë për shtetasen Melek Ikep e cila pas natës së gjatë plot me tortura kishte marrë çiften në mëngjes dhe kishte vrarë burrin. Para se të ndodhte kjo, burri e kishte mbyllur në dhomë para se të nisej në punë duke i thënë se do ta ekzekutonte.
Gruaja pasi kreu aktin e vrasjes, thirri menjëherë policinë dhe ishte dorëzuar. Policët kishin parë trupin e saj të nxirë e të gjakosur kudo, duke kuptuar menjëherë se pas vrasjes fshihej diçka më e rëndë.
Pasi u arrestua gruaja kishte rrëfyer se burri e torturonte vazhdimisht, por gjithçka kishte kulmuar atë natë ku burri e kishte lidhur me pranga dhe kishte kërcënuar se do ta vriste.
Së fundmi, ajo i ka treguar edhe oficerëve të policisë gjyqësore me video se si kishte bërë vrasjen teksa ishte me pranga.
“Prej 15 vitesh kemi patur probleme. Disa vite më parë solli në shtëpi një vajzë tjetër dhe i kam kapur duke u puthur.
Kur e pyeta se çfarë ishte duke bërë, filloi të më rrihte. Disa muaj më vonë me lindi vajza dhe unë shkova të rri disa ditë tek nëna ime, kur u ktheva e gjeta duke më tradhtuar në krevatin tonë me një grua tjetër.
Një natë më parë më tha se donte të ndahej dhe po flisnim se kush do t’i mbante fëmijët. Pasi ata ranë në gjumë filloi të më rrihte duke më lidhur duart me pranga. Më rrahu vazhdimisht duke më vendosur thikën në pjesë të ndryshme të trupit.
Më kishte rënë të fikët dhe e gjeta veten në lakuriq në tualet. Ndjeva që më kishte përdhunuar. Gjatë gjithë natës më rrahu duke më lidhur me pranga.
Më qëlloi edhe me çifte, por plumbi s’më kapi. Një moment, kur ai doli nga shtëpia unë mora çiften dhe qendrova në cep të dhomës. Kur ai hyri sërish, shkelmoi derën dhe u hodh sipër.
Arma u shkrep dhe mendova se do të vdisja aty, por pash që burri u shtri në tokë dhe po i dilte gjak. Pastaj thirra policinë”, rrëfeu ajo.
