Kreu demokrat Lulzim Basha ka reaguar përmes një postimi në rrjetet sociale lidhur me vendimin e Gjykatës Kushtetuese për Teatrin.
Kreu i opozitës kërkon veprimin e SPAK pas vendmiit të Gjykatës Kushtetuese. Ndërkohë Partia Demokratike ka njoftuar një konferencë të jashtëzakonshme për shtyp.
Gjykata Kushtetuese ka dhënë vendimin për çështjen e Teatrit Kombëtar duke pezulluar punimet për ndërtimin e godinës së Teatrit të Ri, deri në hyrjen në fuqi të vendimit përfundimtar.
Sipas vendimit të Gjykatës, projektimi dhe realizimi i projektit të godinës së re të Teatrit është i papajtueshëm me Kushtetutën.
Gjykata ka shfuqizuar dhe vendimin e Këshillit të Ministrave për kalimin e Teatrit në pronësi të bashkisë.
Nga ana tjetër, nuk ka pranuar rrëzimin e kërkesës për shfuqizimin e vendimit të Këshillit Bashkiak, që vendosi shembjen e godinës.
