Nainggolan: Belgjikë-Itali ndeshje e hapur, çfarë dueli Lukaku-Chiellini

Belgjikë-Itali do të jetë një përballje e veçantë për Radja Nainggolan. Mesfushori luftarak luan në Itali prej vitit 2004, teksa fanellën e “Djajve të Kuq” e ka veshur 30 herë (6 gola).

33-vjeçari i Interit flet rreth çerekfinales së mbrëmjes së sotme në Euro 2020, duke u shprehur se do të shijojmë një ndeshje të hapur, teksa zbulon edhe duelin më të fortë që do të zhvillohet në fushë.

“Do të jetë një ndeshje e hapur, kualifikimi është 50 me 50. Belgjika ndodhet në një udhëkryq të rëndësishëm. Shumë lojtarë po plaken dhe cikli po mbaron, kështu që nuk u mbetet shumë kohë për të fituar diçka me kombëtaren.

LEXO EDHE  Conference League, Teuta në Andorra për përmbysjen

Në vendin tonë ka pritshmëri të mëdha nga kombëtarja, por Italia është rritur shumë. Nuk luajnë më katenacio, ata synojnë të dominojnë dhe po luajnë një futboll cilësor.

Lukaku? E shoh shumë të përqendruar. Forca e tij bën diferencën, do të shijojmë një duel shumë të bukur mes tij dhe Chiellinit“, përfundoi “ninxha” belge.