Ambasadorja amerikane Yuri Kim ka përcjellë disa mesazhe inkurajuese, por edhe të forta, në fjalën e mbajtur gjatë ceremonisë së organizuar me rastin e 245 vjetorit të Pavarësisë së Shteteve të Bashkuara të Amerikës.
Kim nënvizon se demokracia duhet të vlerësohet dhe mbrohet dhe se duhet të përballemi me të metat tona pa patur firkë për të gjetur gjuhën e përbashkët.
Ajo ka folur për miqësinë mes SHBA dhe Shqipërisë, ndërsa thekson se e ardhmja e Shqipërisë është e ndritur.
“Deklarata e pavarësisë, të gjithë njerëzit janë krijuar të barabartë, me të drejta të patjetërsueshme, siç janë jeta, liria, që për të siguruar këto të drejta qeveria themelohet prej njerëzve duke e marrë këtë të drejtë nga pëlqimi i njerëzve, që sa herë një formë qeverisëse shkatërrohen këto parime, është e drejta e popullit ta shfuqizojë ose ta ndryshojë atë dhe të themelojë qeverinë e re, duke hedhur baza mbi këto parime dhe duke organizuar kompetencat e saj në një formë të tillë siç do t’u duket atyre që ndikon në sigurinë dhe lumturinë e tyre.
Lidhja midis të vërtetës dhe aspiratës mes asaj që ne besojmë dhe asaj që besojmë për të cilën punojmë për të arritur. Kjo është ajo që lidh SHBA dhe Shqipërinë, Sot që festojmë ditëlindjen e 245 të SHBA shënojmë 30 vjet që populli shqiptar refuzoi diktaturën komuniste në përkrahje të demokracisë. Dhe jemi me fat që kemi mes nesh persona që ishin aty ndërsa lindi demokracia. Një nga veprimet e para si popull i lirë ju i shtritë dorën e miqësisë SHBA.
SHBA e kapën me krenari atë dorë në vitin 1991 dhe se kemi lëshuar kurrë më. Është e qartë se demokracia nuk është e lehtë. Demokracia duhet të vlerësohet çmohet mbrohet ripërtërihet dhe me të drejtë duhet të festojmë sukseset e saj. Duhet të përballemi me të metat tona pa patur frikë për të gjetur gjuhën e përbashkët.
Duhet të jemi me sytë drejt së ardhmes. Le të vendosim ta çmojmë dhe të vlerësojmë demokracinë.
E ardhmja e Shqipërisë është e ndritur”, është shprehur Yuri Kim.
